S´Volksfest

Oamoi im Johr, do gfrein se de Rennrad´leid

wen´s wieda da is de Pfa`hofa Voiksfestzeit

Trefa da Vereine vor´m Rathaus oamoi ume im Karusell

Ausmarsch zuam Volksfestplatz oba schnell

In langa Reih de Greena da sdena´s im Stand

de andern wider wuad umanand

Auf oimoi duad d´Musi  an Marsch schbuin

Jetzt mias ma schaugn und de´s Zelt auffuin

Des schenste in Bierzelt is gwiß

wen da Bürgermaster soagt o`zapft is

Da Herker der machts ned weil der hat koan Bauch

es muaß sei a gstands Mansbuilt des is  Brauch

A poar Schläg des muß sitzen

und scho sigst das umandaspritzen

zwoa Schläg is a oanser

drei Schläg a zworer

viere a dreier

De Keinerin (Bedienung)

De Keinerin des is a Frau

mit an starkn Körperbau

De unsere kimt mit Schwung daher

soagt de Masskrueg her aber de san erst halb leer

Erst de Bierzeichen so mancher schluckt

sonst werst vo mir oabe ghaut und dadruckt

Auf Renate so hoast laßt uns schwinga

und auf unsere Keinerin a Prosit dringa

Musi am Bieranstich

Wenn i heid auf´n Stift´l ins Bierzelt geh

dean ma sofort de Ohrwaschl weh

Da Kapellmeistersprecher blärt nei da mächst verrecka

doa konst ned ren no tuad des Bier schmecka

de Stadtkapelle mit sei Akkustik is a graus

i muas so schnell wia meglich naus

dahoam i kuan kaum was hörn

des war der Lärm vom Sprecher´s und Kapelle´s plärn